အလွဲ

​      
 ရယ်​​တော့ ရယ်​ရတယ်​ဗျာ့။ ဖိုး​ထောင်​တို့ရွာမှာ ​အောက်​ပြည်​က ဗမာမ အပျိုကြီးတစ်​​ယောက်​ ​ဈေးဆိုင်​လာတည်​ထားတယ်​။
  ဖိုး​ထောင်​လူပျိုကြီးလည်း လမ်းကြုံတာနဲ့ အပျိုကြီး​ဈေးဆိုင်​ဆီ​ရောက်​သွားတယ်​ ဆိုပါ​တော့။ ​ကော်​ဖီမစ်​ ဝင်​​သောက်​ရင်း စကား​တွေ​ဖောင်​ဖွဲ့လိုက်​တာ လူပျိုကြီး နဲ့ အပျိုကြီး မို့လို့လား​တော့မသိပါဘူး ​တော်​​တော်​​လေး အဆင်​​ပြေတယ်​​ပြောရမယ်​။
 ဒီရွာက လူ​တွေ စကားအ​တော်​ဝဲတဲ့အ​ကြောင်း မနည်းနား​ထောင်​ယူရ​ကြောင်း ​တွေ စီကာပတ်​ကုံး​ပြော​နေ​လေရဲ့။ ဓနုလူမျိုး​တွေဆို​တော့ တစ်ချို့အ​ခေါ် အ​ဝေါ်​တွေ ကွဲပြားမှု​တွေရှိ​ကြောင်းလည်းပါ​သေး ဥပမာ တစ်​ခု နှစ်​ခု ဆိုရင်​ တခု ​နေခု ဟု​ရေတွက်​ကြ​ကြောင်း ​ပေါ့။
အဲဒီမှာ လူတစ်​​ယောက်​က ကွမ်းစား​ဆေး ​နေခြည်​ တံဆိပ်​​ဆေးထုပ်​လာဝယ်​တယ်​​လေ
"​နေခြည်​ ဘယ်​​လောက်​လဲအစ်​မ"
"ငါးဆယ်​ပါ ​မောင်​​လေး" ဆိုပြီး ​ရောင်းဝယ်​​နေတာကို ဘီယာ​သောက်​​နေတဲ့ လူ​နောက်​တစ်​​ယောက်​က
"​နေချီ ​တောင်​မှ ငါးဆယ်​ ဆို​တော့ တချီထည်းဆို အစိတ်​နဲ့ ရ​လောက်​တယ်​ "လို့ လာရိတာနဲ့ စကားများရန်​ဖြစ်​ရ​သေး​ကြောင်း​တွေ​တောင်​ပါ​သေး။ ဒီကြားထဲ သား​ရေကွင်း တစ်​စည်းကို ဒီ​ဒေသမှာ တဖုတ်​ လို့​ခေါ်တာမသိ​တော့ သား​ရေကွင်း ​ခြောက်​စည်းလာဝယ်​တာကို "​ခြောင်​ဖုတ်​ လာဝယ်​တယ်​​"​ပြောတာနဲ့ ဆဲလွတ်​လိုက်​တာ အားနာမိတဲ့ အ​ကြောင်း​တွေ​ပြော​နေတာများ ဖိုး​ထောင်​ နားထဲမှာ အခုလို့​တောင်​ ထင်​​နေတယ်​။
  အဲသ​လောက်​ဖြစ်​​နေတာ​တောင်​ ဖိုး​ထောင်​နဲ့ ​စော​စောက ည​နေ​လောက်​က စကားများခဲ့ရ​သေးသဗျာ့။
ဖြစ်​ပုံက ဒီလို
  ဖိုး​ထောင်​ ​တောင်ယာကပြန်​လာ​တော့ အပျိုကြီးဆိုင်​နား​ရောက်​မှ ဘီယာ​သောက်​ချင်​တာနဲ့ ဆိုင်​ထဲဝင်​သွားလိုက်​မိတယ်​။ ခက်​တာက ​တောင်​ယာက အပြန်​ ပိုက်​ဆံ ဘယ်​ပါမှာလဲ။ အ​ကြွေးယူ​သောက်​ရ​တော့မယ်​​လေ။ ဖိုး​ထောင်​ အ​ကြွေးယူပုံက ဒီလို
 "ဘီယာတစ်​ဗူး ဘယ်​​လောက်​လဲ"
   "ရှစ်​ရာ"
 "ဒါဆို နှစ်​ရာပြန်​အမ်း တစ်​​ထောင်​မှတ်​ထားလိုက်​" ဆိုတာမျိုး။
 အဲဒီမှာ အပျိုကြီးက ဖိုး​ထောင်​ကို နားမလည်​သလိုကြည့်​​နေတာဗျာ့။
 ဖိုး​ထောင်​လည်း ထပ်​​ပြောလိုက်​ပါတယ်​
"ကျွန်​​တော်​က ယာတဲကပြန်​လာတာ ပိုက်​ဆံမပါခဲ့ဘူး အခုက လာငှန်းတာ လူပျိုကြီး အပျိုကြီးချင်း ဘဲဗျာ ငှန်းလို့ရတယ်​မလား ​ပေါ့ "
  အပျိုကြီးက မျက်​နှာထားနဲ့ ဘာ​ပြောတယ်​မှတ်​သလဲ
"ဘာရှင့်​ ဘယ်​လို ဘယ်​လို ကိုဖိုး​ထောင်​ လာငှန်းတယ်​ ဟုတ်​လား ကျမကိုဘယ်​လိုအစားမျိုးမှတ်​​နေလဲ ​ဈေးသည်​ အစ ဇာတ်​အလယ်​ ဖာအဆုံး ဆိုတဲ့ မိန်းမမျိုးထဲမှာ ကျမ မပါဘူး" တဲ့။
 မြတ်​စွာဘုရား ဘယ်​က​နေဘယ်​လို ဖြစ်​ပြီး အပျိုကြီး ​ဒေါသူပုန်​ထတာပါလိမ့်​​ပေါ့။
 "မဟုတ်​​သေးဘူး​လေအစ်​မ ကျ​နော်​ လာငှန်းလို့ လာငှန်းတယ်​​ပြောတာ​လေဗျာ ငှန်းတာမကြိုက်​ရင်​လည်း ကျ​နော်​ ​နောက်​ မငှန်း​တော့ပါဘူးဗျာ"
 "ရှင်​ငှန်းတာကြိုက်​​နေရ​လောက်​​အောင်​ ကျမ အ​ပေါစားမဟုတ်​ဘူး"
  "ကျ​နော်​လည်း အ​ပေါစားလို့ မ​ပြောရ​သေးပါလားဗျာ့'"
အဲသလို ​ပြော​နေချိန်​​လေးမှာ သူတို့အစုနားက ဆယ်​အိမ်​မှူး​​ဈေးလာဝယ်​တယ်​​လေ
 "အလို ! ကိုဖိုး​ထောင်​ ဘာ​တွေဖြစ်​​နေတာလဲဗျာ့" တဲ့
"ကျ​နော်​ယာ​တောအပြန်​ ပိုက်​ဆံမပါလို့ ဒီဆိုင်​မှာ ဝင်​ငှန်းတာ ဘာ​တွေ​ရှောက်​​ပြောနေမှန်းမသိပါဘူးဗျာ "​ပေါ့။
 အဲဒီမှာ အပျိုကြီးက
"သူငှန်းချင်​တိုင်း ငှန်းရ​အောင်​ ကျမ အ​ပေါစား မဟုတ်​ဘူး" တဲ့​လေ။
 အဲဒီမှာ ဆယ်​အိမ်​မူး က ခွက်​ထိုးခွက်​လှန်​ရယ်​​တော့တာပါဘဲ။
ရယ်​မှာ​ပေါ့ ဖိုး​ထောင်​ လာငှန်းတယ်​ဆိုတာ ​ဒေသ စကား အရ အ​ကြွေးလာဝယ်​တာကို​ပြောတာ​လေ။
 အပျိုကြီးက သူ့ကိုလာငှန်းတယ်​မှတ်​ပြီး လိမ့်​ရန်​​တွေ့​နေတာကိုးဗျာ့။ အဲသလိုလွဲပါတယ်​ဆိုမှဗျာ။
 အဲဒီကိစ္စကို ဆယ်​အိမ်​မှူးက ရှင်းပြ​တော့မှ တိုတို​ပြောကြစို့ အဆင်​​ပြေသွားတယ်​ ဆိုပါ​တော့ဗျာ။
                                           ဖိုးထောင်​
                                      30-12-2015

ထောင်​ ​ခြောက်​လ ချမှတ်​

တပ်မတော်ကာကွယ်ရေးဦးစီးချုပ်ကို သရော်ထားတဲ့ဓါတ်ပုံ မျှဝေတယ်ဆိုတဲ့ စွပ်စွဲချက်နဲ့ တရားစွဲဆိုခံထားရတဲ့ မချောစန္ဒီထွန်း (ခေါ်)ချစ်သမီးကို ဆက်သွယ်ရေးဥပဒေပုဒ်မ ၆၆ ဃ ဒီကနေ့ မအူပင်တရားရုံးကနေ ထောင်ဒဏ် ၆ လ ချမှတ်လိုက်ပါတယ်။ ဒီလို အရေးယူလိုက်တာဟာ လွတ်လပ်စွာရေးသားထုတ်ဖော်ပိုင်ခွင့်ကို ထိခိုက်တယ်လို့ ချစ်သမီးရဲ့ အကျိုးဆောင်ရှေ့နေက သုံးသပ်ပါတယ်။ မိဘတွေအနေနဲ့ကတော့ လွတ်လပ်ရေးနေ့ လွတ်ငြိမ်းချမ်းသာခွင့်မှာ ပါဝင်နုိုင်ဖို့ မျှော်လင့်နေကြပါတယ်။ အပြည့်အစုံကို ဆက်သွယ်မေးမြန်းထားတဲ့ VOA သတင်းထောက် မသိင်္ဂီလင်းက ပြောပြပေးပါမယ်။ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကို သရော်ထားတဲ့ ဓါတ်ပုံတွေ Facebook လူမှုကွန်ယက်မှာ ဖော်ပြထားတယ်ဆိုတဲ့ စွပ်စွဲချက်နဲ့ တရားရင်ဆုိုင်နေရတဲ့ မချောစန္ဒီထွန်း ခေါ် ချစ်သမီးကို ၈ ကြိမ် တိုင်တိုင် ရုံးထုတ်စစ်ဆေးခဲ့ပြီး ဒီကနေ့ ဒီဇင်ဘာလ ၂၈ ရက်နေ့မှာတော့ မအူပင် တရားရုံးကနေ ထောင်ဒဏ် ၆ လချမှတ်ခဲ့တယ်လို့ မချောစန္ဒီထွန်းရဲ့ အကျိုးဆောင်ရှေ့နေ ဦးရောဘတ်စန်းအောင်က အခုလို ပြောပါတယ်။ “၂၀၁၃ ခုနှစ် ဆက်သွယ်ရေးဥပဒေ ပုဒ်မ ၆၆ ဃ အရ အနောက်တောင်တိုင်း စစ်ဌာနချုပ်က ဒုတိယဗိုလ်မှူးကြီးကျော်ထင်ကနေပြီးတော့ တရားလိုလုပ်ပြီးတော့ အမှုဖွင့်လှစ်တိုင်ကြားမှုနဲ့ ပတ်သက်ပြီးတော့ ဒီကနေ့ ထောင်ဒဏ် ၆ လကို မြို့နယ်တရားသူကြီး ဒေါ်လှမြတ်မွန်က အမိန့်ချမှတ်လိုက်ပါတယ်။” ဆက်သွယ်ရေးဥပဒေပုဒ်မ ၆၆ ဃ၊ အသရေဖျက်မှု ပုဒ်မ ၅၀၀ တို့နဲ့တရားစွဲဆိုခံထားရတဲ့ မချောစန္ဒီထွန်းကို အောက်တိုဘာလ ၁၂ ရက်နေ့မှာ ဖမ်းဆီးပြီး အချုပ်နဲ့ ထိန်းသိမ်းထားတာလည်း ဖြစ်ပါတယ်။ ဒီဇင်ဘာလ ၁၄ ရက်နေ့မှာတော့ စွဲဆိုချက် ခိုင်လုံမှုမရှိတာကြောင့် အသရေဖျက်မှု ပုဒ်မ ၅၀၀ ကို တရားရှင်လွှတ်ပေးခဲ့ပါတယ်။ ဒီကနေ့ချမှတ်လိုက်တဲ့ အမိန့်ဟာ လူ့အခွင့်အရေးနဲ့ လွတ်လပ်စွာ ရေးသားဖော်ထုတ်ခွင့်ကို ထိခိုက်တယ်လို့ ရှေ့နေ ဦးရောဘတ်စန်းအောင်က အခုလို သုံးသပ်လိုက်ပါတယ်။ “ကျနော်တို့ စိတ်မကောင်းတာကတော့ ဖွဲ့စည်းပုံ အခြေခံဥပဒေ ပုဒ်မ ၃၅၄ နဲ့ လူ့အခွင့်အရေးကြေညာစာတမ်း အပိုဒ် ၁၉ တို့အရ Freedom of Expression နဲ့ ပတ်သက်တဲ့ အခန်းကဏ္ဍ မှာ ထိခိုက်တယ်လို့ ကျနော်တို့က ယုံကြည်တယ်။ ဘာဖြစ်လို့လဲဆိုတော့ ဒါ ဘာသာရေးဆိုင်ရာ ထိခိုက်စေမှုလည်းမဟုတ်ဘူး။ အခုဟာက ဒါသူ့ရဲ့အမြင်ကို သူတင်တဲ့ ၊ တဦးတယောက်က တင်သော်လည်း တင်တဲ့ပုံ အရပြောမယ်ဆိုရင်တော့ ဒီဥစ္စာပေါ်မှာ အရေးယူလောက်တဲ့ ဥပဒေပြဿနာမရှိဘူးလို့ ထင်တယ်။” တရားစီရင်မှုအပြီးမှာ မချောစန္ဒီထွန်းက သူ့အနေနဲ့ ဒီလို ပြစ်ဒဏ်ချမှတ်ခံရသလို ဒေါ်အောင်ဆန်းစုကြည်ကို ဝေဖန်ရေးသားခဲ့တဲ့ ဝန်ကြီးဦးရဲထွဋ်ရဲ့ဇနီးကိုလည်း အရေးယူစေချင်တယ်လို့ သတင်းထောက်တွေကို ပြောဆုိုခဲ့ပါတယ်။ မချောစန္ဒီထွန်းရဲ့ မိခင် ဒေါ်အိစံကတော့ ဒီနေ့ချမှတ်လိုက်တဲ့အမိန့်ကို အခုလို သုံးသပ်လိုက်ပါတယ်။ “စပြီးတော့ ဖမ်းကတည်းကိုက ဒီကလေးကို မတရားအမှုဆင်ပြီးတော့ ဖမ်းထားတယ်ရှင့်။ နောက်ပြီးတော့ ထောင်ချရာမှာလည်း အန်တီတို့အနေနဲ့က ၃ နှစ်ဆိုပြီး မှန်းထားတယ်လေ။ ထောင်ချတာ အခု ဒီကလေးပေါ်မှာလည်း မတရားရာ ကျမယ်။ ချက်ချင်းပြန်လွှတ်ပေးရင်လည်း သူတို့အနေနဲ့က အရှက်ကွဲမယ်။ ဒါကြောင့်မို့လို့ အခုဖမ်းထားတာဆိုရင် အခု ၃ လ ပြည့်ခါနီးပြီပေါ့နော်။ ၂ လကျော်ကျော်ရှိသွားပြီ ။ ထောင် ၆ လ ဆိုတော့ ကြားကာလကို ချလိုက်တယ်လို့ အန်တီထင်တယ်။” တရားရုံးက စီရင်ချက်ချခဲ့တဲ့ ထောင်ဒဏ် ၆ လမှာ ချုပ်ရက် ခံစားခွင့်ရရှိတာကြောင့် အောက်တိုဘာလ ၁၂ ရက်နေ့ကနေ ဒီနေ့အမိန့်ချတဲ့နေ့အထိ ၂ လကျော် ထိန်းသိမ်းခံခဲ့ရပြီး ဖြစ်တဲ့အတွက် နောက်ထပ် ၃ လ ကျော် ဆက်လက် ပြစ်ဒဏ်ကျခံရမှာဖြစ်ပါတယ်။ အယူခံဝင်ဖို့ မသေချာသေးပေမယ့် လွတ်လပ်ရေးနေ့ လွတ်ငြိမ်းချမ်းသာခွင့်မှာ ပါဝင်ဖို့ မျှော်လင့်တယ်လို့ မိခင် ဒေါ်အိစံက အခုလို ပြောပါတယ်။ “အယူခံဝင်ဖို့ကိုလည်းအန်တီတို့က တော်တော်စဉ်းစားရတယ်။ လွတ်လပ်ရေးနေ့ လွှတ်ငြိမ်းချမ်းသာခွင့်အထဲမှာလည်း အန်တီတို့ မိဘတွေအနေနဲ့က မျှော်လင့်တယ်လေ။ နောက်ပြီးတော့ အယူခံဝင်ဖို့တင်မယ်ဆိုရင်လည်း ရုံးအဆင့်ဆင့် သွားတာ။ အဲဒါတွေကကြာတယ်။ တလခွဲကျော်ကျော်လောက်ကြာမယ်ဆိုတော့ အန်တီတို့ လွတ်ချိန်နဲ့က အရမ်းကပ်တာဖြစ်တဲ့အတွက်ကြောင့် ဒီကိစ္စကို အန်တီတို့ချိန်နေပါတယ်။” ၂၀၁၃ ခုနှစ်မှာ ပြဌာန်းခဲ့တဲ့ ဆက်သွယ်ရေးဥပဒေနဲ့ တရားရင်ဆုိုင်နေရသူတွေအနက် မချောစန္ဒီထွန်းရဲ့ အမှုကို ပထမဦးဆုံးအမိန့်ချမှတ်ခဲ့တာဖြစ်ပါတယ်။ အလားတူ ပုဒ်မ ၆၆ဃ နဲ့ တရားရင်ဆိုင်နေရတဲ့ ကချင်အမျိုးသား ဦးပက်ထရစ်ခွန်ဂျာလီကိုလည်း ဒီသီတင်းပတ်အတွင်းမှာ စွဲချက်တင်သင့် မတင်သင့် ရန်ကုန်မြို့ လှိုင်မြို့နယ် တရားရုံးကနေ ဆုံးဖြတ်မှာ ဖြစ်ပါတယ်။

ဘာဘဲပြောပြော ညီကိုတွေပါ

 မောင်ဇော်လင်း နဲ့ မောင်ဝင်းဇော်ထွန်း မင်းတို့နှစ်ယောက်စလုံးကို
ဖိုးထောင်မသိပါဘူး။ဘယ်ရွာသားလဲ မသိပါဘူး။
သေချာပါတယ် ညီအစ်ကိုတွေဆိုတာလေ။
အလွန်ဆုံး ဝမ်းကွဲရင် ၁၃၅ ဝမ်းကွဲပေါ့။ မြန်မာတိုင်းရင်းသား ၁၃၅ ထက်မှ မပိုတာ။ငါတို့ ညီကိုအချင်းချင်း လွတ်မြောက်ရေးခေါင်းစဉ်နဲ့ အမြင်ကျဉ်းခဲ့ကြပြီး ဒီနေ့ထိ သေနတ်သံ မငြိမ်သေးပါဘူး။
 သေနတ်ကိုင်တဲ့ကောင်တွေ အချင်းချင်းက တစ်ကျောင်းထဲ အသင်းခွဲပြီးဘောလုံးကန်တမ်း ကစားသလို ကစားနေကြတော့ ခက်တာက ဘောလုံးပွဲထိုင်ကြည့်ရင်း ဘောလုံးနဲ့ အရှိုက်မိရင်တောင် သေချင်မှသေမှာ သူတို့ လက်နက်ကိုင်ကစားပွဲက အငွေ့နဲ့တောင်မျက်စိပြာလောက်နေတော့ တော်ရာချောင်ကြား ရှောင်ရှားကြရတာပေါ့။ တစ်နေ့လုပ် ၅၀၀ ရတယ်ဆိုပါစို့ သူတို့လက်နက်ကိုင် ကစားနေတဲ့ နှစ်ဖွဲ့အတွက် အခွန် ဆိုလား ဆက်ကြေးဆိုလား အဲဒါကြီးက ၁၅၀ စီ ဆိုတော့ ၃၀၀ ကုန်နေပြီ။ ဒီကြားထဲ သူတို့ထောင်တဲ့ မိုင်းနင်းမိလို့ သေခဲ့ကြတဲ့ ညီကို မောင်နှမတွေလည်း ပုံထားမယ်ဆိုရင် ဇွဲကပင်တောင်တွေ ပုပ္ပါးတောင်တွေဟာ အခုလိုပြောပြဖို့ နာမည်မကြီးလောက်ဘူး။
 ဒီဘက်ကလူက ဟိုဘက်ကလူမှတ်လို့ ပစ်တမ်းကစားသွားတာလည်းရှိတာပါဘဲ။
    အဲသလို နိုင်ငံရေး စီးပွားရေး ကစားပွဲမှာ ပညာရေးက ရှေ့တက်မရ လူမှုရေးက ခပ်ကင်းကင်းနေရင်း သယံဇာတတွေလည်း ခွေးစားလို့ကုန်။ ခြံစည်းရိုးလည်း သူများထင်းဆိုက်ပစ်ကုန်ရုံမက မြေပေါ်မှာပါ လာစော်ကားနေကြတာမျက်မြင်ပါ။
     ပညာရေးနိမ့်တော့ စီးပွားရေး ပြားပြားမှောက် ကိုယ့်ဆန်ကို ကိုယ် ထမင်းဖြစ်အောင်မချက်တတ်တော့ ချက်တတ်တဲ့ လူကို သခင် တင်ရင်း ကျွန်ဖြစ်နေတာ ကြာနေပါပြီ။
 နိုင်ငံခြားမှာ အလုပ်သွားလုပ်တော့လည်း ခုလို လူသိရှင်ကြားရော
လူမသိသူမသိရော အသတ်ခံရတာ မနည်းဘူးဆိုတာသေချာပါတယ်။
  အဲဒါ ဘယ်သူ့ကြောင့်လဲ မေးမနေပါနဲ့တော့။
မင်းတို့နှစ်ယောက်ကို ညီကိုမှန်း မောင်နှမမှန်း မသိတဲ့သူတွေကြောင့်ပါ။
  ဘာဘဲပြောပြော မင်းတို့နှစ်ယောက်ဟာ ဖိုးထောင်နဲ့ ညီကိုတွေပါ။
မင်းတို့ရဲ့ ခံစားချက်ဟာ ငါတို့ အားလုံးရဲ့ ခံစားချက်ပါဗျာ။
 ငါတို့ အမြင်ကျဉ်းနေသမျှ ငါတို့ မညီညွတ်သမျှ ဒီလိုမျိုးအဖြစ်တွေ တန်းစီနေဦးမှာပါဘဲ။
                                                  ဖိုးထောင်

ချက်ချင်းလတ်

ကိုဖိုးထောင်တို့ ရွာဦးစေတီ