======================
ရှမ်းပြည်နယ်မြောက်ပိုင်း နောင်ချိုမြို့နယ် ဉာဏ်တောအုပ်စု ရွှေသွန်းကျေးရွာ၏ မြောက်ဘက်၌ တည်ထားကိုးကွယ်အပ်သော အောင်တော်မူ'ဧ' စေတီတော်ကို မြန်မာသက္ကရာဇ် ၁၂၇၂ ခုနှစ်တွင် ပထမရွှေသွန်းကျောင်းဆရာတော် ဘဒ္ဒန္တ သုမန ဦးဆောင်၍ ဉာဏ်တောရွာ နောင်ချိုကြီးရွာ ရွှေသွန်းရွာ လွယ်ခေါ်ရွာ ကသဲမြှောင်ရွာ စသော ရွှေသွန်းကျောင်းတက် ဒါယကာ တို့မှ တည်ထားကိုးကွယ်ခဲ့ကြပါသည်။
စေတီ ၏ ပုံစံမှာ အလယ်တွင် စေတီကြီးတည်ထားပြီး ထောင့်လေးထောင့်တွင် အရံစေတီ လေးဆူတို့ဖြင့် ကုန်းတော်ပေါ်တွင်တင့်တယ်သပ္ပာယ်စွာ တည်ထားခြင်းဖြစ်သည်။
၎င်းစေတီ၏ အလှူရှင်များမှာ အလယ်စေတီတော်ကြီးကို အထက်ပါ ရွှေသွန်းကျောင်းတက် ကျေးရွာ များမှ အများကောင်းမှုဖြင့် တည်ထားခဲ့သည်။
အရံစေတီများကို ရွှေသွန်းရွာမှ ဦးထွန်း+ဒေါ်ရုံ ၊ ဦးကံကြီး+ဒေါ်မွန်းဆာ တို့နှင့်
ဦးလွန်းမောင် + ဒေါ်စိန် မိသားစု တို့မှ တစ်ဆူစီ လှူဒါန်းပြီး လွယ်ခေါ်ရွာ ဦးပိုက် မိသားစုမှ တစ်ဆူ လှူဒါန်းသည်ဟု သက်ကြီးစကားများဖြင့် မှတ်သားရပေသည်။
ပထမရွှေသွန်းကျောင်းဆရာတော် ပျံလွန်တော်မူသောအခါ ထိုဆရာတော်၏ အရိုးဓာတ်တော်များဖြင့် စေတီတော်၏ အနီး ရာဟုထောင့်တွင် အရိုးအိုးစေတီ တည်ထားခဲ့ပါသည်။ယနေ့တိုင် ဖူးတွေ့နိုင်ပါသည်။
ဒုတိယ ရွှေသွန်းကျောင်းဆရာတော် လက်ထက်တွင် ထီးတော် တစ်ကြိမ် တင်လှူပူဇော်ခဲ့သည့်မှတ်တမ်းများတွေ့ရှိပါသော်လည်း တင်လှူပူဇော်သည့် ရက် လ နှစ် ကို တိတိကျကျရှာမတွေ့ချေ။
ထိုပွဲတွင် ပါဝင်ဆင်နွဲခဲ့သူများ နှင့် ထိုပွဲကို မိတ်ဆက်မြသန်း ဇာတ်ပွဲဖြင့် စည်ကားစွာကျင်းပခဲ့ပုံ မှတ်တမ်းတွေ့ခဲ့ရပါသည်။
ထူးခြားချက်မှာ ထိုစဉ်က ထီးတော် အလှူရှင်ကို မဲချခဲ့သည်ဟုဆိုသည်။ ထီးတော်အလှူရှင် မဲပေါက်သူမှာ မမြရင် ဖြစ်သည်။
၎င်းနှစ်မှာပင် စေတီတော်၏ တောင်ဘက်ကပ်လျက် အာရုံခံတန်ဆောင်း ကို ဦးစံငြိမ်း ဒေါ်မြဲ မိသားစုတို့မှ ဆောက်လုပ်လှူဒါန်းခဲ့သည်။
တတိယ ရွှေသွန်းကျောင်းဆရာတော် လက်ထက်တွင် အောင်တော်မူ 'ဧ' စေတီနှင့်ပတ်သက်၍ ထူးခြားသောမှတ်တမ်း မတွေ့ရှိခဲ့ပါ။
စတုတ္ထ ရွှေသွန်းကျောင်းဆရာတော် ၏ လက်ထက်တွင် စေတီတော်၏ အရှေ့ဘက်ကပ်လျက် တန်ဆောင်းတစ်ဆောင်ကို ဦးအုံးဖေ ဒေါ်သိန်းအောင် မိသားစု ကောင်းမှုဖြင့်ထပ်မံဆောက်လုပ်လှူဒါန်းခဲ့ သည်။
ယခု ပဉ္စမမြောက် ရွှေသွန်းကျောင်းဆရာတော် ဘဒ္ဒန္တ ဥတ္တမ လက်ထက် ၁၃၄၅ ခုနှစ်တွင် ရာသီဥတုဒါဏ်ကြောင့် ယိုယွင်းနေသော စေတီတော်နှင့် အရံစေတီတော်ကို ပြုပြင်ခဲ့သည်။
စေတီတော်၏ ထီးတော်ကိုလည်း ရွှေချ ပူဇော်ခဲ့သည်။ အရံစေတီတော်များ၏ ထီးတော်များကို လည်း အင်္ဂတေထီးဖြင့် ပူဇော်ကာ သင်္ကန်းတော်အား မှန်စီသင်္ကန်းဖြင့် ဆက်ကပ်ခဲ့ပြန်သည်။
၎င်းနောက် ၁၃၆၇ ခုနှစ်တွင် စေတီတော် ၏ ထုံးသင်္ကန်းနှင့် မှန် သင်္ကန်းအစား ရွှေရောင် သင်္ကန်း ဆက်ကပ်ခဲ့ပြီး ပျက်စီးနေသော ဖိနပ်ခုံအား ပြန်လည်ပြင်ဆင်ခဲ့သည်။
ဆက်လက်ဖော်ပြပါမည်
ကိုဖိုးထောင် ကျေးလက်မီဒီယာ
No comments:
Post a Comment