====================
အခန်း (၈)
" ကိုကြီးဖိုးထောင် ထမင်းစားရအောင်"
"အေးအေး လာပြီ ညီမလေး"
ဖိုးထောင် မနက်စောစော အင်တာနက်ကြည့်နေရင်း ညီမလေးက ထမင်းစားခေါ်တာနဲ့ ထမင်းဝိုင်းဆီ ရောက်လာခဲ့သည်။ အမေ မျက်နှာက တစ်ခုခု အလိုမကျဖြစ်နေပုံရသည်။
"ဖိုးထောင် ညက ထမင်းလာပြန်မစားဘူး ဘယ်မှာစားတာလဲ"
ပြဿနာတော့ တက်ပြီထင်ပါတယ်ဗျာ ။ ညီမလေးကိုလှမ်းကြည့်လိုက်တော့လည်း မကြည့်ဘဲ ခေါင်းငုံ့ထမင်းစားနေလေတော့သည်။ ဘာတွေ ဘယ်လိုများချွန်ထားတာပါလိမ့်။
"မေးနေတယ်လေ ဖိုးထောင် ညကထမင်းဘယ်မှာစားလဲ"
"ဗျာ ဟို ဟို ဈေးဆိုင်မှာ စားလိုက်တယ် အမေ ကားဆရာက ချက်ချင်းထွက်မယ်ဆိုတာနဲ့ အဲမှာစားသွားလိုက်တာ အမေရဲ့"
"နင့်မှာ အိမ်မရှိဘူးလား နင့်အမေက နင့်ကို အိမ်နဲ့မထားဘူးလား ထမင်းချက်မကျွေးဘူးလား။အဲဒီ ဗမာမ အိမ်မှာမှ စားသွားရတယ်လို့ ဖိုးထောင်ရယ် ငါက ဗမာမ အသံမကြားချင်လို့ ဗွီဒီယိုတောင် တရားခွေလောက်ဘဲကြည့်တော့တာ ဖိုးထောင်ရေ " ဆိုပြီး ပြောချလိုက်တာ စုံနေတာပါဘဲဗျာ။ မပြောကောင်း မဆိုကောင်း တရားစခန်း လာဖွင့်ပြီး မိန်းမခိုးပြန်သွားတဲ့ ဗမာကိုယ်တော်တွေအကြောင်းတောင်ပါသေးသဗျာ့။
ပြောမယ်ဆိုလည်းပြောလောက်စရာတွေပါ ။ ဗမာ အတော်များများဟာ စကားပြောကောင်းတဲ့ ပတ်ဝန်းကျင်ကနေ လာကြတာဆိုတော့ အပြောသိတ်ကောင်းကြတာဗျာ့။
ဒါကို ရိုးသားတဲ့ ဖိုးထောင်တို့လူမျိုးတွေက အဟုတ်ထင်ပြီး ပုံအပ်မိကြရာကနေ မလိုလားအပ်တဲ့ ပြဿနာတွေဖြစ်ကုန်ရော။ ဘယ်နေရာမှာ ငွေ ဘယ်လောက် လိမ်သွားသတဲ့ ဘယ်ကနေ ဘယ်လိုလိုက်ရမှန်းကိုမသိတော့ဘူးတဲ့ ဆိုရင် ဗမာတွေတဲ့ဗျာ။ တိုက်လည်းတိုက်ဆိုင်လွန်းပါတယ်။ မသေမချင်းမှတ်ထား ငါတို့တောင်ပေါ်ကိုရောက်လာတဲ့ ဗမာ အများစုဟာ လူလိမ်လူညာတွေ အမှန်အကန်လုပ်စားနေတဲ့ ဗမာတွေဟာ သူတို့နေရာနဲ့ သူတို့ အဆင်ပြေနေပြီးသား ဘယ်တော့မှ မလိမ်စားဘူး။ သူတို့နေရာမှာလူရာကမဝင် အကျင့်ကမကောင်းဆိုတော့ ငါတို့ဆီရောက်လာပြီး ရိုးအအတွေကို ဆရာကြီးလုပ် လာလိမ်စားနေတာဟဲ့ ဖိုးထောင်ရဲ့တဲ့။
စိတ်ဆိုးနေတဲ့ အမေကို ဖိုးထောင် ဘာမှပြန်လှန်မပြောတော့ပါဘူး။
" မင်း နဲ့ အဲဒီဈေးဆိုင်က ဗမာမ ဘယ်အဆင့်ထိဖြစ်နေပြီလဲပြောစမ်း"
"ဘယ်အဆင့်ထိမှမဖြစ်ဘူး ဘာမှမဖြစ်သေးပါဘူး အမေရယ်"
"ဘာ မဖြစ်သေးဘူးဆိုတော့ ဖြစ်တော့မယ်ဆိုတဲ့ သဘောလားပြောစမ်းငါ့ကို"
"မဟုတ်ပါဘူးအမေ"
" ဟုတ်မဟုတ်ဆိုတာ ဖိုးထောင် နင်သက်သေပြရမယ် ဒီနေ့ကနေစပြီး ဘယ်တော့မှ အဲဒီ ဗမာမ ဆိုင်ကိုမသွားနဲ့ ဒါဘဲ သွားရင်လည်း တစ်ခါတည်းအပြီးသွား ပြန်မလာနဲ့"
အဲဒါမှသေထား ဘာမှလည်းမဆိုင်ဘူး။ ခုချိန်မှာပြန်ပြောရင်လည်း တွေ့ရာနဲ့ ကောက်နှက်တော့မယ်။ အမေ့ စေတနာကို ဖိုးထောင် နားလည်ပါတယ် အမေရယ် ။ ဟို ဗမာမတွေက လာလိမ်သွားတာနဲ့ အမေ ကဗမာတွေကို မုန်းနေတာကလား။ ပြီးတော့ ရွာထဲကလူတွေကလည်း မီးလောင်ရာ လေပင့် ဆိုသလိုလူမျိုးတွေကရှိသေး ။ အလိမ်ခံရတဲ့ ကိစ္စနဲ့ ပတ်သက်ပြီး ဘာမဆိုင် ညာမဆိုင် ပြောချသွားပုံကလည်းကြည့်အုံး " အဒေါ် ဒီတစ်ခါလိမ်တာ ငွေလေးတင်ပါသွားတာ အရေးမကြီးဘူး နောက်တစ်ခါကတော့ အဒေါ့်သားဖိုးထောင်ပါ လိမ်ခေါ်သွားမယ့် သဘောရှိတယ် ကြည့်လည်းပြောထားအုံး " ဆိုသကိုး။ အဲသလို တစ်ရွာလုံးဖြစ်နေချိန်မှာ တစ်ယောက်တည်းသော ဖိုးထောင်က ဘယ်လိုထုချေလွှာမျိုးနဲ့မှ အသုံးမဝင်တော့။ ဖိုးထောင်တို့ ရွာဘက်မှာ ဗမာလူမျိုး အထီးတွေရော အမတွေရော အိမ်ထောင်လာကျနေတာတွေရှိတယ်။ ဗမာအများစုကတော့ အစတုန်းကတော့ အိမ်တစ်ဆောင် မီးတပြောင်နဲ့ ဘဲ တင့်တင့်တယ်တယ် ထားတော့မလိုနဲ့ ခေါ်သွားခဲ့ကြတယ် ။ နောက်တော့လည်း လက်ဗလာတွေနဲ့ ပြန်လာပြီး ရွာကမိဘတွေဘဲ ရှိတာခွဲခြမ်းပေးပြီးထားရတော့တာပါဘဲ။ အဲဒါ သူတို့တွေနဲ့ ဆက်စပ်ပြီး ဗမာမတွေလည်းရောက်လာကြတယ်ဗျာ့ ။ ရွာထဲက ကောင်လေးတွေနဲ့ အိမ်ထောင်ကျတာလေးငါးတွဲလောက်ရှိတယ်။ ဖိုးထောင်ကတော့ အမှုမဲ့ အမှတ်မဲ့ပါဘဲ ။ နောက်တော့မှ သိရတာက မင်္ဂလာဆောင်ပြီး ငါးလတောင် မပြည့်သေးဘဲ မီးဖွားကြကုန်သတဲ့။ အဲဒီမှာ မလိုလားအပ်တဲ့ ပြဿနာတွေတက်ပါရောလား ။ အဲသလိုတွေကိုမှ သေချာ သုတေသနပြုပြီး အမေ့ဆီကို လာပို့ထားကြသူကရှိသေးဆိုတော့ ဖိုးထောင် ကဘာနဲ့ ထုချေရမတဲ့လည်းဗျာ။ အမေက သူ့သားလူပျိုကြီးရိုးအအကို အဲသလို ဖွသတင်းတွေကြားမှာ မပူဘဲ ဘယ်နေမလဲဗျာ့။ သူ့သားကို သူပူတာပြဿနာမဟုတ်ပေမဲ့ ရိုးသားတဲ့ ဈေးဆိုင်က အပျိုကြီးရဲ့ ဂုဏ်သိက္ခာကိုတော့လေးစားသင့်တာပေါ့ အမေရယ်။
တကယ်တော့ လိမ်တဲ့ကိစ္စဟာ လူမျိုးနဲ့ မဆိုင်ပါဘူး။ ဟိုနားမှာ ပီပီပြင်ပြင် လိမ်သွားပြီ ဘာလူမျိုးလည်း ဗမာ ဆိုတာ ဟုတ်ပါတယ် ။ ဒီလိုပါဘဲ တစ်ခြားလူမျိုးတွေက ပီပီပြင်ပြင် မလိမ်တတ်လို့ မလိမ်တာပါ။ သွားလိမ်တုန်းကရင်း ပေါ်နေမှတော့ ဘယ်လိုလုပ် လိမ်မလဲ။ လိမ်လို့ မရလို့ မလိမ်တာပါ။
လိမ်တာ ခိုးတာ ယုတ်မာတာတွေဟာ မြန်မာတိုင်းရင်းသားအာလုံးမှာရှိနေတာတော့ သေချာပါတယ် ။ ဖိုးထောင်တို့လူမျိုးလည်း လိမ်တာတွေရှိတာပါဘဲ။ ဒီဘက်ပွဲစားဆီမှာ ပိတ်ဆံထုတ် ထွက်လာတဲ့ သီးနှံ ဟိုဘက်ပွဲရုံသွားရောင်း ။ ဒီဘက်ဈေးဆိုင် အကြွေးလိမ့်ယူ မပေးနိုင်တော့ ဟိုဘက်ဈေးဆိုင်ပြောင်း ဆိုတာတွေရှိနေတာတွေရော လိမ်တာပါဘဲမဟုတ်လား။ ကိုယ်ပိတ်ဆံထုတ်ထားတဲ့ ပွဲရုံမှာ သီးနှံ သွားပို့ရင်တောင် အကြွေး နှိမ်မှာစိုးလို့ ကိုယ့်သီးနှံ မဟုတ်ကြောင်း တစ်ခြားတစ်ယောက် လာပို့ခိုင်းကြောင်း လိမ်ရောင်းတာတွေဟာရော လိမ်တာတွေ မဟုတ်ဘူးလားဗျာ။ ဘာဘဲပြောပြော ဖိုးထောင်ရဲ့ ဒီအကြောင်းပြချက်တွေဟာ ဒီအချိန်မှာ အရာမဝင်နိုင်သေးတော့ ဖိုးထောင် အမေ့စကားနားထောင်ရဦးမှာပါ။ ဘာကြောင့်ရယ်တော့ မဟုတ် ငွေ ကိုသာလိမ်ပါ လူတော့ ချမ်းသာပေးပါ ဆိုပြီး သားအတွက်ပူနေတဲ့ အမေ့ စေတနာတွေကြောင့်သာဖြစ်ကြောင်း။
ဆက်ပါဦးမည်
No comments:
Post a Comment