========================
ရှမ်းပြည်နယ်မြောက်ပိုင်း၊နောင်ချိုမြို့နယ် တောင်ပေါ်ဒေသ ဝံသာနုရက္ခိတသံဃသာမဂ္ဂီအသင်း(မ ဘ သ နောင်ချို တောင်ပေါ်ဒေသ)၏ ဒုတိယအကြိမ် ဆွမ်းဆန်တော်လောင်းလှူပွဲကျင်းပရေး ညှိနှိုင်းအစည်းအဝေးကို နောင်ချို့မြို့နယ် ကံကြီးကျေးရွာ တောရကျောင်း၌ ၁၂. ၃.၂၀၁၆ စနေနေ့ နေ့လည် တစ်နာရီအချိန်တွင် ကျင်းပခဲ့ကြောင်းသတင်းရှိပါသည်။
အဆိုပါ အစည်းအဝေးသို့ နောင်ချိုမြို့နယ် ဝံသာနုရက္ခိတသံဃသာမဂ္ဂီအသင်း(မ ဘ သ နောင်ချို တောင်ပေါ်ဒေသ)၏ သြဝါဒါစရိယဆရာတော် ဖြစ်တော်မူကုန်သော ကျောက်ဂူတောရကျောင်းဆရာတော်၊ မြို့ဦးကျောင်းဆရာတော်၊မင်္ဂလာဗိမာန်မဲုတ်ကျောင်းဆရာတော် ၊ မြို့နယ် သံဃနာယက ဥက္ကဋ္ဌ ဟော်တော်ကျောင်းဆရာတော် နှင့် အလုပ်အမှုဆောင် ဆရာတော်များ အဖွဲ့ဝင် ကျောင်းပေါင်း ၇၀ ကျော်မှ ကျောင်းထိုင်ဆရာတော်များ ၊ အသင်းအမှုဆောင် လူပုဂ္ဂိုလ်များ ၊ ကျေးရွာများမှ ပရဟိတ အသင်း ခေါင်းဆောင်များတက်ရောက်ကြသည်ဟုသိရသည်။
အစည်းအဝေးတွင် ကျောက်ဂူတောရကျောင်းဆရာတော် ၊ ဟော်တော်ကျောင်းဆရာတော် အသင်းဥက္ကဋ္ဌ နမ့်ဆောင်ဟူးကျောင်းဆရာတော် တို့မှ ဆွမ်းဆန်တော်လောင်းလှူပွဲ စည်ကားစွာကျင်းပရေး အသင်း၏ ရည်ရွယ်ချက်များ ရှေ့လုပ်ငန်းစဉ်များ ကို သြဝါဒစကားမြွက်ကြားတော်မူကြပြီး အလုပ်အမှုဆောင် ဆရာတော်များ လူပုဂ္ဂိုလ်များ ပရဟိတ အသင်းဦးဆောင်များမှ တိုင်ပင်ဆွေးနွေး ဆုံဖြတ်ချခဲ့ကြကြောင်းသိရသည်။
အစည်းအဝေးသို့ တက်ရောက်လာသောအသင်း ပြန်ကြားရေးတာဝန်ခံ ဦးစန္ဒိမာမှ ကိုဖိုးထောင် ကျေးလက်မီဒီယာသို့ မိန့်ကြားရာတွင် " ပြီးခဲ့တဲ့ နှစ်က စလုပ်တာဆိုတော့ လိုအပ်ချက်တွေများခဲ့ တယ် ။ ဒီနှစ်တော့ အားနည်းချက်ကိုပြင်ဆင် ပြီးကျင်းပဖို့ ခုလို သြဝါဒ ခံ အစည်းဝေးလုပ်ရတာလေ။ ရည်ရွယ်ချက်က ပရဟိတအသင်းအချင်းချင်းလည်းစည်းလုံးညီညွတ်မှုတွေရရှိအောင် ဆိုပြီး သိသမျှအသင်းအားလုံးကိုလည်းဖိတ်ကြားပြီးကျင်းပဖို့ လုပ်တာပါဘဲ" ဟု မိန့်ကြားသွားကြောင်းသတင်းရရှိပါသည်။
ကိုဖိုးထောင် ကျေးလက်မီဒီယာ
No comments:
Post a Comment