ခါးတောင်းတစ်ခြား -င်တစ်ခြား
==============
မရေးချင်ပါဘူး၊ ဘယ်သူ့ကို ရေးလို့ ရေးရမှန်းကို မသိတော့ဘူး။
တစ်နေ့ထက် တစ်နေ့ ဗုဒ္ဓဘာသာတွေရဲ့ ဘာသာရေး အသိဉာဏ် ဆုတ်ယုတ်လာတဲ့ကိစ္စ၊
ရဟန်းသာမဏေ လျော့နည်းလာတဲ့ကိစ္စ၊
ဘိဝံသ ဘွဲ့က ဆယ်တန်းအောင်လက်မှတ်လောက်တောင် အရာမဝင်တော့တဲ့ကိစ္စ၊
တောထွက် တောင်ပျံတွေရဲ့ ဘုန်းရိပ်အောက်မှာ ငယ်ဖြူဘွဲ့ရ တွေ ဝပ်စင်းနေကြရတဲ့ကိစ္စ ၊
မနေ့တစ်နေ့ကမှ သင်္ကန်းဝတ်လာပြီး လူပြိန်းကြိုက် လုပ်ကွက်တွေနဲ့ CD ခွေဖြန့်ပြီး သာသနာပြုဆရာတော်ကြီးယောင်ယောင် အာဘောင် အာရင်းသန်သန် ဝင်ရှုပ်ပွေနေကြတဲ့ ကိစ္စ စတဲ့ စတဲ့
ဒီကိစ္စတွေများ စေ့စေ့ တွေးကြည့်ရင် သိတ်မကြာခင်မှာ မဟာမြတ်မုနိ ဆွမ်းငတ်မယ့်အရေးပါ။
ပေါ့ပေါ့အရေး မဟုတ်ပါဘူး။
မန္တလေး နန်းကျတော့ တစ်နိုင်ငံလုံး ကျွန်ဖြစ်ခဲ့သလို မဟာမြတ်မုနိ ဆွမ်းငတ်ရင်လည်း ကုန်ပြီလို့သာ မှတ်လိုက်ပါတော့။ မြန်မာ တာလီဘန်လည်း ပေါ်လောက်ရောပေါ့ဗျာ ၊ ထားပါတော့
ဒီကိစ္စ တောထွက် ဦးဇင်းကြီးနဲ့ မပတ်သက်သလို သာမန် ဗုဒ္ဓဘာသာဝင် တစ်ယောက် အနေနဲ့လည်း ညွန်ကြားချက်ထုတ်ခွင့်မရှိပါဘူး။
တောကြိုအုံကြားမှာနေတဲ့ စန္ဒိမာ လည်း တောကြိုအုံကြား သာသနာတောင် မနည်းဆိုတော့ မဆိုင်ပါဘူး။
ဘာလို့မဆိုင်လဲ သူတို့ပေးထားတဲ့ သာသနာဝင်ကဒ်ပြား လောက်သာ ပိုင်ဆိုင်တာပါ။ ဘာဘွဲ့ ညာဘွဲ့လည်း မရထားပါဘူး။ ဘာရာထူး အာဏာမှလည်း စန္ဒိမာ မရထားဘူး။ ဘာ တံဆိပ်တုံး မှလည်း စန္ဒိမာဆီမှာ မရှိဘူး။ လိုလည်း မလိုချင်ဘူး၊ ကိုယ့်ဟာကိုယ်လည်း မတန်ဘူးလို့ဘဲထင်တယ်။
ဒီတော့ ရဟန်းသာမဏေ ရှိရှိ မရှိရှိ၊ မြို့ပေါ်လူတန်းစားတွေ သြကာသ ရရ မရရ စန္ဒိမာတို့ အနေသာကြီးပါ။ ရွှေတိဂုံပြိုပြို မဟာမြတ်မုနိ ပျက်ပျက် ထိုင်ကြည့်နေရုံပါဘဲ။
တံဆိပ်တုံးရထားသူတွေ ဘွဲ့တို ဘွဲ့ရှည် အလှူခံထားသူတွေတောင် ကန်တော့ပွဲ လိုက်ရှာနေသေးတာကြီး ဟုတ်တယ်မဟုတ်လား။
မြန်မာနိုင်ငံက နေရာဌာနတိုင်းမှာ ဗုဒ္ဓဘာသာအင်အားကောင်းနေတုန်းလေးတောင် ဒါလေးဘယ်လိုလုပ်ရင် ကောင်းမလဲ တော့ မစဉ်းစားပါဘဲ ကမ္ဘာအေးမှာ လေးလတစ်ကြိမ် ဆွမ်းသွားစားရဲတာကတော့ ရေးတဲ့ စန္ဒိမာ မလွန်လောက်ဘူးထင်ပါတယ်။
တစ်ခါလာလည်း မိန်းမ ကိစ္စ၊ ကျောင်းပိုင်ဆိုင်မှု ကိစ္စ အလှူခံ အတုအရောင် ကိစ္စ ထုတ်လိုက်တဲ့ ညွန်ကြားချက် ဘာအရာမှ လည်း မရောက်ဘူး။
ပြောလိုက်သေးတယ် လူကြားကောင်းအောင်
" ဘုန်းကြီးဆိုတာ စာသင်ရင်သင် မသင်ရင် တရားအားထုတ်ပေါ့" တဲ့။
စာသင်ရုံ တရားအားထုတ်ရုံ လောက်ကလေးနဲ့တော့ ၄၇ ပါးတွေ အဖွဲ့အစည်း အဆင့်ဆင့်တွေ မလိုပါဘူး။ ဘာလုပ်ဖို့ အပိုတွေလုပ်နေရတာလဲ တော်တော်လေးရိုးလွန်းပါတယ်။
ကိုယ်ယူထားတဲ့နေရာ ကိုယ်ယူထားတဲ့ ဘွဲ့နဲ့ တန်အောင်လည်း လုပ်ကြပါအုံးလား။
မြင်တာကြားတာ အသုံးမကျတာ အကုန်ထည့်ရေးပစ်လိုက်လို့ မကောင်းရှိတော့မယ်ဗျာ တော်ပြီ။
ရွာစကားနဲ့ ပြောရရင်
အုပ်ချုပ်ရေးမှူး တင်ပါတယ်ဆိုမှ ရံပုံငွေ စားဖို့ လက်မှတ်ပေးတာကျနေတာဘဲဗျာ။
လုပ်လိုက်ရင် ခါးတောင်း တစ်ခြား -င်တစ်ခြား
အရှင် စန္ဒိမာ နောင်ချို
No comments:
Post a Comment