သူခိုး ဓားရိုးကမ်း အပိုင်း (၁)
==============
ကျုပ်နာမည် က မိုးမောင် ။
အလုပ် အကိုင် ကတော့ နာမည်ကြားတာနဲ့သိမှာပါ။ သူခိုးကြီးမိုးမောင် ဆိုတာ ဒီနယ်မှာ လူတိုင်းသိတယ်မလား။
နှင်းကြီးရင် မိုး ဆိုသလို ကျုပ်လည်း သူခိုးကြီးကနေ ဓားပြ ဖြစ်မှန်းမသိ ဖြစ်နေပါပြီ။
နောက်လိုက် နောက်ပါတွေလည်းကြည့်အုံး ၅၀၀ လောက်ရှိတယ်လေ။ ဒါ မနေ့ တစ်နေ့ကမှ ခိုးဝင်လာတဲ့ လူတွေမပါသေးဘူး ။ ပန်းရောင် မှတ်ပုံတင် မရသေးလို့ စာရင်းထဲ မထည့်သေးတာ။
ရှစ်ယောက်ထက်ကျော်ရင် သူပုန် လို့ ဗာရဏသီဘုရင် ကတော့ သတ်မှတ်ထားလေရဲ့။
သူပုန်လို့ပြောရအောင် ကျုပ်က သူတို့ ထီးရေးနန်းရာ မှ စိတ်မဝင်စား။
ဒီလို အင်အားတောင့်နေလင့်ကစား ဘုရင့်တပ် နဲ့တော့ တစ်ခါမှ စစ်မတိုက်ဖူးပါဘူး။
ဘယ်တိုက်မလဲ သူတို့စစ်သူကြီးတွေကိုက ကျုပ်ပေးတဲ့ ဝေစုနဲ့ လူတောတိုးနေကြတာကိုးဗျာ့။
ပြည်သူ့ဟစ်တိုင်မှာ ပြည်သူတွေက လာဟစ်လို့ ဘုရင့် နားတော်ပေါက်ကြားလည်း သောက်ဂရုစိုက်စရာ မလိုပါဘူး အေးဆေးပါ။
မင်းတို့အဖွဲ့တွေ တစ်နေရာမှာရှောင်ထားကြ ဘုရင့်တပ်တော် လာလိမ့်မယ် ဆိုတာမျိုး ဖန်တီးထားပြီးသားဥစ္စာ။
တစ်ခါတစ်လေ စစ်သူကြီးက
" လူဖမ်းပြမှ ရမယ် တဲ့ ကိုမိုးမောင်ရေ" ဆိုရင်တော့လည်း လေးငါးဆယ်ယောက်လောက် အသက် အာမခံ တောင်းပြီး ပေးလိုက် အေးတာပါဘဲ။ အချိန်တန် တစ်လလောက်ဆို ပြန်လာခဲ့ကြတာပါ။
ဒီကြားထဲ လွတ်ငြိမ်းချမ်းသာခွင့်နဲ့ တိုးရင် တစ်ရက် နှစ်ရက်နဲ့တောင်ပြန်လာကြတာရှိသေး။
တခါတလေ ထောင်ထဲမှာ ရောဂါထပြီးသေသွားရင် သူတို့ကို ပေးမယ့် ဝေစုထဲက နှုတ်ပြီး လျော်ကြေးတောင်ရလိုက်သေးတာကိုး။
ကျုပ်က ဓားပြတိုက်တဲ့ နေရာမှာ ရပ်ကြီးရွာကြီးတွေတိုက်မှ အင်အားသုံးတာဗျာ့။
ကျန်တဲ့ တစ်အိမ် နှစ်အိမ် တိုက်တာမျိုးကတော့ သူ့အဖွဲ့ ကိုယ့်အဖွဲ့ လေးငါးယောက် သွားတိုက်ကြတာများပါတယ်။
ရလာတာ ဝေစု သုံးစု အခွန်ဆောင် လိုက်ရင် ပြီးသွားတာပါ။
ကျုပ်ကိုယ်တိုင် ကိုက ဆောင်ပြတော့ ကျန်တဲ့ကောင်တွေ နေရိုးလား။
တကယ်ဆို ကျုပ်က သူတို့ဆောင်တဲ့ အခွန်နဲ့ နေပြည်တော်က လူတွေလို အဲယားကွန်း အခန်းထဲကနေ ဟို ဥပဒေ ပြင်နေသလိုလို ဒီ ဥပဒေ ဖျက်သလိုလို ရက် ၁၀၀ အတွင်း ကြီးပွားတော့မလိုလို အသံကောင်း လှိမ့်ဟစ်ပြီး ထိုင်စားနေတောင် ရနေတာဗျာ့။
ကျုပ်က သူခိုးဓားပြသာဖြစ်နေတာပါ အချောင်ထိုင်စားရမှာ သိတ်ရှက်တတ်တာ လေ။
အဲဒါကြောင့် ကျုပ်လည်း ထွက်တိုက်ရတာပေါ့။
တစ်ခြား ဓားပြတွေ ဘယ်လိုတိုက်တယ်ဆိုတာတော့ ကျုပ်မသိဘူး ။ ကျုပ်ကတော့ လစ်ရင် ခိုးတယ် မလစ်ရင် တိုက်တယ်ပေါ့ဗျာ။
ဆက်ပါဦးမည်
No comments:
Post a Comment